Soraluze Gipuzkoako iparmendebaldean kokatuta dago eta honako herri hauekin egiten du muga: ipar eta ekialdean Elgoibarrekin, hegoan Bergararekin eta mendebaldean Eibarrekin.

2º - 25' mendebaldeko luzeran eta 43 10' ipar latitudean lekututa dago, Deba ibaiaren bi aldeetan, lurraren basaltoen artean irekirik dagoen bailara estu baten hondoan. Higadurari material horrek ezartzen dion erresistentzia dela eta, oso malda lakartsuak ditu eta, era berean, ur-ibilguen inguruetan arroilak eta ibilgu bihurrituak agertzen dira.

Horrela bada, oso orografia inklinatua eta maldatsua du, gune laurik ia ez dagoelarik. Ibai nagusiaren urbazterretan kokaturik dauden mendi-lerro biak dira nagusi: bata ekialdean, Mazelaegiko kordalak osaturikoa, batezbeste 700 eta 800 m-ko altuerekin; bestea, mendebaldean eta ibaiaren ezkerreko ertzean, altuera gutxiagoko (300-500 m) mendiekin.